Saansein

Is desh ki ragon mein,
khoi saansein basti hain...

Woh saansein joh zinda thi kabhi,
Josh se bhari, junoon se bhari,
Jinme thi aag, jinme dahakte they sholay kabhi,
Joh chalti thi kabhi, joh machalti thi kabhi !

Aaj woh saansein haanf rahi hain,
kisi ghabraaye huye bachche ki tarah kaanp rahi hain...
Aaj woh saansein khoi maloom padti hain,
waqt ki chadar odhe soi maloom padti hain...

Un saanson ko ab jagana hai,
Ek aag aur sulgana hai,
Waqt ki deemak ne khokla kar diya jinhe,
Unmein ZINDAGI ka deepak jalana hai,
Zindagi ka deepak jalana hai...


No comments: