bheed bhari sadak




ek bheed bhari sadak pe main

ja rha tha ek din

raaste mein zindagi takra gayi
puchha maine usse
ki tu is bheed mein hi kyun bhatakti hai?
itra ke chalti hai, phir tanhaai ko tarasti hai?

thahaaka lagaya usne aur boli
'abey lallu, itna bhi nahi samajhta?
is shor mein hi toh hai mera dil dhadakta'

wo dekho us maa se chipke bachche ke rudan mein
us cycle par jaate clerk ke kaat-te jute ki chubhan mein
us sabzi waale ki cheekh mein
us vaqeel ke kisi case ki taareekh mein
us rikshe waale ke maathe se tapakti paseene ki bund mein
tere sakun mein, tere khoon mein
main hi toh hun'

main muskuraya aur zindagi ke sath
us bheed bhari sadak pe aage badh gaya

2 comments:

monty said...

cool man keep it up

Aditya Patel said...

thnx buddy..